تزامن إجازة عيد الأضحى المبارك هذا العام مع عطلة نهاية الأسبوع، يمنح العائلات والأصدقاء فرصة ذهبية لقضاء أربعة أيام من الراحة والمرح، خصوصًا في الوجهات الساحلية، حيث الأجواء المبهجة، والشمس، والبحر. لكن عشان الرحلة تكون ممتعة من غير منغصات، لازم تبدأ من تجهيز حقيبة سفر ذكية ومنظمة! وده اللي جمعناه ليك من توصيات موقع Vogue الشهير، واللي بيقدم خمس نصائح أساسية لترتيب حقيبة المصيف.
إجازة عيد الأضحى على الأبواب؟ إليك 5 ترتيبات ضرورية لقضاء مصيف ممتع ومنظم
ابدأ بتجهيز الملابس حسب عدد الأيام، واحرص تكون ملابس قطنية وخفيفة. ولا تنسى ملابس السباحة، والملابس الرياضية الخفيفة للأنشطة أو التنقل، وكمان الإكسسوارات المهمة زي:
- حقيبة الشاطئ
- النظارة الشمسية
- القبعات للوقاية من الشمس
- شباشب أو أحذية البحر
نصيحة ذكية: لف الملابس بدل طيها بيوفر مساحة كبيرة في الشنطة ويمنع التجاعيد.
في الرحلات، الأساسيات بتبقى دايمًا المنقذ! جهز:
- بطاقة الهوية أو جواز السفر
- بطاقات الدفع الإلكترونية
- شاحن الهاتف والسماعات اللاسلكية
- كتابك المفضل أو كتيب ترفيهي
- خريطة الطريق أو عنوان الفندق لو أول مرة تروحه
- احتياطًا: خليك مجهز نسخة إلكترونية وأخرى ورقية من عنوان الفندق واتجاهات الطريق.
3. أدوات العناية الشخصية: خفيفة وفعالة
مينفعش تسافر من غير أدواتك الشخصية، لكن كمان لا تثقل حقيبتك. استخدم عبوات صغيرة الحجم وركّز على الأساسيات:
- غسول الوجه والمرطب
- واقي الشمس (أساسي جدًا على البحر)
- أدوات النظافة مثل فرشاة الأسنان، المشط
- أدوات التجميل الأساسية زي مرطب الشفاه، كحل، فاونديشن
- نصيحة: اجمعهم في شنطة صغيرة مقاومة للماء لتوفير الوقت والحماية من التسرب.
4. سناكس مشبعة: الطاقة السريعة لا غنى عنها
لو تأخرت الوجبة أو كنت في مشوار طويل، هتشكر نفسك إنك خدت معاكي سناكس خفيفة. اختار حاجات صحية ومغذية زي:
- مكسرات
- فواكه مجففة
- بسكويت الحبوب الكاملة
- ألواح البروتين
دي بتساعد على الشعور بالشبع وتحافظ على طاقتك طول اليوم.
5. الأنشطة المفضلة: وداعًا للملل
- رحلة البحر مش بس سباحة، لازم يكون معاك شوية أدوات ترفيهية تضيف للمرح:
- ألعاب لوحية زي الدومينو أو السلم والثعبان
- ألعاب شاطئية بسيطة
- كرة خفيفة أو أدوات بناء الرمال للأطفال
الأنشطة دي بتحول الرحلة لتجربة لا تُنسى وتمنع أي إحساس بالملل.